Tilbake
Stian Herdal
Stian Herdal
Stian Herdal

Fint er rart, rart er fint - V21

Rar musikk er fin

Fin musikk er rar

Rare folk er fine

Fine folk er rare​​​​​​​

(Dikt av Lars Andreas Haug)

Lars Andreas spelar tuba og Camilla syng. Dei likar både fin og rar musikk. Kva er eigentleg fin musikk, og korfor er det rare så rart?  Er det fine finare enn det rare, eller kan det rare vere noko av det aller finaste som finst?

Utøvarane leikar seg med eigenkomponerte songar som vekslar mellom det mindre vanlege og det heilt gjenkjennelege. I tillegg til sine vanlege instrument tuba og stemme, har dei med seg klang- og effektboksar og ulike instrument som skapar absurditetar som robot- og alien-stemmer og pussige klangunivers. Her får du høyre alt frå ein indiskinspirert komposisjon om meir krydder i kvardagen, til songar med tekster som undrar seg over korfor folk gjer som dei gjer.

Musikarparet har ein eigen duo som dei kallar «Messing with voice» (på norsk vert det «å tøyse med stemma)  Kan dei ha valt namnet fordi tubaen er laga av messing? Ikkje umogeleg...

Om utøvarar og produsentar

  • Arrangert av: Vestland
  • Kunstnarar / grupper: Camilla Susann Haug, Lars Andreas Haug
  • Idé/ opplegg: Camilla Susann Haug og Lars Andreas Haug i samarbeid med musikkprodusent Ola Sundström, AAbk.

Om kunstnar / utøvar / gruppe

Camilla Susann Haug er vokalist, komponist, songtekstforfattar. Utdanna ved Norges musikkhøgskole i utøvande song. Har gitt ut to soloalbum; "Noen ganger blått" (KKV, 2007) og "Tusentrinnstrappa" (Echofisk, 2017). Hun syng i vokalgruppa "Pust" som har gitt ut 5 album, og i jazzensemblet "Lars Andreas Haug band" som sleppte sitt 2. album i juli 2019. Ho har reist med ulike skuleproduksjonar for Rikskonsertane og DKS sidan 2004; "Vet du hva du kommer til å få?", "Hujedamej", "Pust - seks stemmer og "Messing with Voice». For meir info: www.camillasusann.no 

Lars Andreas Haug er multiblåsar og komponist, utdanna i jazztuba på Norges musikkhøgskole. Han har turnert over heile verda med tubaen sin. Frå ørkenen i Siwa, via New Delhi og Tokyo til dei fleste land i Europa. Lars Andreas driv 7 mannsbandet «Lars Andreas Haug band», og han spelar  i mange andre band i inn- og utland. Han har reist med ulike produksjonar for Rikskonsertane og DKS sidan starten av 2000-tallet; "Luft og Kjærlighet", "Moments Notice", "Tu`ba" m.fl. For meir info: www.larsandreas.no

Publikumskommentarer