Tilbake

Visste du at...?

Visste du at…? er ein serie faktabøker frå Samlaget. Anna R. Folkestad har illustrert tre av dei, og i dette forfattarmøtet får elevane høyre gøyale fakta frå alle tre bøkene. 

Folkestad reiser rundt med desse tre bøkene, som ho også sjølv har illustrert:

Visste du at…? TACO

Visste du at…? SUSHI                                                                                                                      

Visste du at…? GODTERI

Folkestad vil lese frå bøkene, vise bilete og teikne saman med borna på flip-over eller whiteboard. Elevane kan også kome med innspel til korleis illustrasjonen kan vera, og saman med forfattaren finn elevane saman fram til nye Visste du at…? - faktasetningar.

Kanskje veit elevane noko lurt som dei vil lære vidare? Er det noko dei synest er kult, spanande, ekkelt eller rart? Klassen kan også kome med innspel til korleis setninga kan illustrerast.

Etter turneen vil alle klassane forfattaren har møtt, få ei illustrert PDF-fil der alle "Visste du at…?" setningane som er laga på turneen er samla.

Om utøvarar og produsentar

  • Arrangert av: Vestland
  • Kunstnarar / grupper: Anna R. Folkestad

Om kunstnar / utøvar / gruppe

Anna R. Folkestad (1983) debuterte med boka Henrik And i 2011. Ho har skrive og illustrert ei rekkje bøker for barn, både biletbøker og lesestartbøker.

Publikumskommentarer